சித்தர் பூமி யோகாசன விளையாட்டு சங்கத் தலைவர் ஆனந்த பாலயோகி பவனானி குத்து விளக்கேற்றி போட்டியினை துவக்கி வைத்தார். சங்க பொது செயலாளர் தயாநிதி யோகாசன செயல்முறை விளக்கம் அளித்தார்.

இதில், பல்வேறு பிரிவுகளில் 500க்கும் மேற்பட்டோர் பங்கேற்ற யோகாசன போட்டி நடந்தது.

இதில், வெற்றி பெற்றவர்களுக்கு சபாநாயகர் செல்வம், நேரு எம்.எல்.ஏ., புதுச்சேரி ஒலிம்பிக் சங்க பொது செயலாளர் தனசேகரன், சித்தர் பூமி யோகாசன விளையாட்டு சங்கத் தலைவர் ஆனந்த பாலயோகி பவனானி ஆகியோர் நினைவுப்பரிசு மற்றும் சான்றிதழ் வழங்கினர்.

இதில், சங்கத் துணை தலைவர் தேவசேனா பவனானிக்கு வாழ் நாள் சாதனையாளர் 'குளோபல் ஐ கான்' விருது வழங்கப்பட்டது. யோகா ஆசிரியர்களுக்கு யோகா திலகம், யோகச்செம்மல், யோகா சேவ ரத்தனா விருதுகள் வழங்கப்பட்டன.

சங்கப் பொருளாளர் சண்முகம் , சங்க பொது உறுப்பினர் லலிதா சண்முகம், யோகா ஆசிரியர்கள், மாணவ, மாணவிகள் மற்றும் பெற்றோர்கள் கலந்துக் கொண்டனர். சங்க துணை செயலாளர் பாலாஜி நன்றி கூறினார்.