திருக்கனுார் அடுத்த காட்டேரிக்குப்பம் ஏரிக்கரை பகுதியில் இளைஞர்கள் மற்றும் சிறுவர்களுக்கு சிலர் கஞ்சா விற்பதாக காட்டேரிக்குப்பம் போலீசாருக்கு தகவல் வந்தது.

அதன்பேரில், சப் இன்ஸ்பெக்டர் சரண்யா மற்றும் போலீசார் அப்பகுதிக்கு சென்று சந்தேகம்படும்படி நின்றிருந்த 2 பேரை பிடித்து, சோதனை நடத்தியதில், அவர்களிடம் 237 கிராம் கஞ்சா பொட்டலங்கள் இருந்தது.

விசாரணையில், சென்னை புளியந்தோப்பு பி.கே.காலனியை சேர்ந்த ஆனந்தன், 61; அனுமந்தை குப்பம் காளியம்மன் கோவில் தெருவை சேர்ந்த பிரதீப்ராஜ், 24;என்பது தெரியவந்தது.

இரண்டு பேரையும் போலீசார் கைது செய்து, கஞ்சா பொட்டலங்கள், ஒரு பைக்கை பறிமுதல் செய்தனர்.