புதுச்சேரியை சேர்ந்த கனகவள்ளி என்பவரை தொடர்பு கொண்ட மர்ம நபர், பகுதி நேர வேலையாக ஆன்லைன் வர்த்தகத்தில் முதலீடு செய்தால், அதிக லாபம் சம்பாதிக்கலாம் என, ஆசை வார்த்தை கூறினார்.

இதை நம்பிய கனகவள்ளி ஆன்லைன் வர்த்தகத்தில் பல தவணைகளாக 5 லட்சம் முதலீடு செய்து ஏமாந்தார். இதேபோல், நடேசன் நகரை சேர்ந்த விக்னேஷ் என்பவர் 1 லட்சத்து 15 ஆயிரத்து 520 ரூபாய் முதலீடு செய்து ஏமாந்தார்.

அரியாங்குப்பம் பாலசுந்தரம் 1 லட்சத்து 79 ஆயிரத்து 708 ரூபாய், கோவிந்தசாலை சரண்யா 1 லட்சத்து 10 ஆயிரம் ரூபாய், சண்முகாபுரம் கணேசன் 87 ஆயிரத்து 880 ரூபாய், கணேஷ் கிருஷ்ணா 5 ஆயிரத்து 500 ரூபாய் என மொத்தம் 6 பேர் நேற்று முன்தினம் ஆன்லைன் மோசடி கும்பலிடம் ரூ. 9 லட்சத்து 89 ஆயிரத்து 608 இழந்துள்ளனர்.

இதுகுறித்த, புகார்களின் பேரில், புதுச்சேரி சைபர் கிரைம் போலீசார் வழக்குப் பதிந்து விசாரணை நடத்தி வருகின்றனர்.