காரைக்காலில் நேற்று முன்தினம் முதல் தொடர்ந்து மழை பெய்து வருகிறது. அதில் நேற்று காலை 8:30 மணிவரை 9 செ.மீ., மழை பதிவானது.

இதனால், பல இடங்களில் மழைநீர் சூழ்ந்தது. தலத்தெரு, நேரு நகர், கலெக்டர் அலுவலக சாலையோரங்களில் இருந்த பழமையான மரங்கள் வேருடன் சாய்ந்ததால், போக்குவரத்து பாதித்தது.

விழுந்த மரங்களை தீயணைப்பு படையினர் வெட்டி அகற்றி, போக்குவரத்தை சீரமைத்தனர். தொடர் மழை காரணமாக மக்களின் இயல்பு வாழ்க்கை பெரிதும் பாதிக்கப்பட்டது.