அதுபோல் புதுச்சேரியில் அதிக குற்ற வழக்குகள் பதிவாகும் போலீஸ் நிலையமும் வில்லியனுார் தான். கடந்த 2021ம் ஆண்டு 431 வழக்கும், 2022ம் ஆண்டு 340 வழக்கும், கடந்த ஆண்டு 324 வழக்கும் பதிவாகி உள்ளது.

பரந்து விரிந்துள்ள வில்லியனுார் பகுதியில் ஏராளமான குடியிருப்புகள் உள்ளது. மக்கள் தொகைக்கு ஏற்ப போலீஸ்காரர்கள் இல்லை.

இதனால் 1 இன்ஸ்பெக்டர், 3 சப்இன்ஸ்பெக்டர் கொண்ட வில்லியனுாரில், 2 சப்இன்ஸ்பெக்டர் பணியிடம் காலியாக கிடக்கிறது.

வில்லியனுார் பதற்றம் நிறைந்த பகுதி. கடந்த ஆண்டு பா.ஜ. பிரமுகர் செந்தில்குமார், கன்னகி பள்ளி அருகே உள்ள பேக்கரியில்வெடிகுண்டு வீசி கொலை செய்யப்பட்டார். கடந்த சில நாட்களுக்கு முன்பு கூட அதே இடத்தில் வாலிபர் ஒருவர் வெட்டி கொலை செய்யப்பட்டார்.

நேற்று முன்தினம் அதே பேக்கரி கடையை முகமூடி கொள்ளையன் உடைத்து பணம் திருடிச் சென்றுள்ளார். இந்த பேக்கரி போலீஸ் நிலையத்தில் இருந்து 400 மீட்டர் துாரத்தில் உள்ளது. போலீசார் கூப்பிடும் துாரத்தில் உள்ள இடத்தில் வரிசையாக 3 கடைகளை உடைத்து முகமூடி கொள்ளையன் பணம் திருடும் வரை போலீசார் குறட்டை விட்டு துாங்கினார்களா என பொதுமக்கள் கேள்வி எழுப்புகின்றனர். இதே நிலை நீடித்தால் வில்லியனுார் பகுதியில் வசிப்பது பாதுகாப்பற்ற சூழ்நிலையை ஏற்படுத்தும் என அச்சம் தெரிவிக்கின்றனர்.