புதுச்சேரி, காந்தி வீதியை சேர்ந்தவர் ஜெயபாலன். இவர், கடந்த 2022ம் ஆண்டு உடல் நலக்குறைவால் இறந்தார். இவருக்கு சொந்தமான திருமண மண்டபம் தவளக்குப்பத்தில் உள்ளது. ஜெயபாலனின் உறவினரான பிரிதிவிராஜன், 47, என்பவர் திருமண மண்டப நிர்வாகத்தை கவனித்து வந்தார்.

இதனிடையே ஜெயபாலனின் மனைவி கமலாக்குமாரி, திருமண மண்டபத்தை, தவளக்குப்பத்தை சேர்ந்த தங்கராசு என்பவரிடம் விற்றார். மண்டபத்தின் சொத்து தனக்கு உரிமை உள்ளதாக, பிரிதிவிராஜன், புதுச்சேரி கோர்டில் வழக்கு தொடுத்தார். கோர்டில் வழக்கு நடந்து வருகிறது.

இந்நிலையில், தங்கராசு தரப்பு மற்றும் பிரதிவிராஜன் தரப்பினருக்கும் இடையே நேற்று முன்தினம் தகராறு ஏற்பட்டு, தாக்கி கொண்டனர். இதுகுறித்து, தங்கராசு, பிரிதிவிராஜன் ஆகியோர் கொடுத்த புகார்களின் பேரில், தவளக்குப்பம் சப் இன்ஸ்பெக்டர் ஜெயகுருநாதன் தனித்தனியே வழக்குப் பதிந்து விசாரித்து வருகிறார்.