நகரின் மையப்பகுதியில் திடீரென சாலை உள்வாங்கியதால் பரபரப்பு
நகரின் மையப்பகுதியில் திடீரென சாலை உள்வாங்கியதால் பரபரப்பு
ADDED : ஏப் 17, 2026 03:58 AM

புதுச்சேரி: புதுச்சேரி நகரின் முக்கியப் பகுதியான நீடராஜப்பர் வீதி மற்றும் பாரதி வீதி சந்திப்பில் நேற்று திடீரென சாலை உள்வாங்கி, பெரிய பள்ளம் ஏற்பட்டதால் பரபரப்பு நிலவியது.
நேற்று மாலை மக்கள் நடமாட்டம் அதிகம் உள்ள நேரத்தில், இந்தச் சந்திப்பில், எதிர்பாராத விதமாக சாலை உள்வாங்கி பெரிய பள்ளம் உருவானது. இதனால் அவ்வழியாகச் சென்ற இருசக்கர மற்றும் நான்கு சக்கர வாகன ஓட்டிகள் பெரும் சிரமத்திற்குள்ளாகினர். மேலும், அந்தப் பகுதியில் கடுமையான போக்குவரத்து நெரிசல் ஏற்பட்டது.
இது குறித்துத் தகவல் அறிந்தவுடன், பொதுப்பணித்துறை அதிகாரிகள் மற்றும் ஊழியர்கள் சம்பவ இடத்திற்கு விரைந்து வந்தனர். முன்னெச்சரிக்கை நடவடிக்கையாகப் பள்ளத்தைச் சுற்றித் தடுப்புகள் அமைக்கப்பட்டு, சீரமைக்கும் பணிகள் துவங்கப்பட்டன. சாலையில் ஏற்பட்ட பள்ளத்தால் அங்கு பரபரப்பு ஏற்பட்டது.
