பாண்டிச்சேரி பிரிமியர் லீக் 2ஆவது சீசன், துத்திப்பட்டு சீகெம் மைதானத்தில் நடந்து வருகிறது. வரும் 27 ம் தேதி வரை பகல் இரவு ஆட்டங்களாக நடைபெறுகிறது. நேற்று மதியம் நடந்த 27வது லீக் போட்டியில் ஊசுடுஅக்கார்ட் வாரியர் அணி- காரைக்கால் நைட்ஸ் அணிகள் விளையாடியது.

முதலில் விளையாடி ஊசுடு காரைக்கால் நைட்ஸ் அணி 20 ஓவர்களில் 9 விக்கெட்டுகளை இழந்து 135 ரன்கள் எடுத்தது. இந்த அணியில் அதிகபட்சமாக வாசிப் அகடம் 24 ரன்கள் எடுத்தார். ஊசுடு அக்கார்ட் வாரியர் அணி சார்பில் சதக்சிங் மற்றும் சாயி சரண் ஆகிய இருவரும் சிறப்பாக பந்துவீசி தலா 3 விக்கெட்டுகள் எடுத்தனர்.

அடுத்த ஆடிய ஊசுடு அக்கார்ட் வாரியர் அணி 18.1 ஓவர்களில் 5 விக்கெட்டுகளை இழந்து 137 ரன்கள் எடுத்து வெற்றி பெற்றது. இந்த அணியில் சைலேஷ் 41 பந்துகளில் 50 ரன்கள் எடுத்தார். இந்த அணியின் சிதக் சிங்கிற்கு ஆட்டநாயகன் விருது வழங்கப்பட்டது.

ஊசுடு அக்கார்ட் வாரியர் அணி 9 போட்டிகளில் விளையாடி 3 போட்டியில் வெற்றி பெற்று 5வது இடத்தில் உள்ளது. காரைக்கால் அணி 9 போட்டிகளில் விளையாடி 2ல் மட்டும் வெற்றி பெற்றுள்ளதால் பிளே ஆப் சுற்றுக்கு நுழைய முடியாமல் வெளியேறியது. மாலையில் நடந்த போட்டியில் ஜெனித் ஏனம் அணியும்- ஒயிட் டவுண் லெஜன்ட் அணியும் விளையாடின.