நிகழ்ச்சியில் ஆச்சார்யா கல்வி குழுமத்தின் மேலாண் இயக்குனர் அரவிந்தன் தலைமை தாங்கி, மாணவர்களின் பன்முகத் திறமைகளை வாழ்த்தி தலைமையுரை ஆற்றினார். கல்லுாரி முதல்வர் உஷா தேவி 2025-26ம் கல்வி ஆண்டிற்கான ஆண்டறிக்கை வாசித்தார்.

விழாவின் காலை அமர்வில், கல்வி மற்றும் விளையாட்டில் சாதனை படைத்த மாணவர்களுக்கு விருதளிக்கும் நிகழ்ச்சி நடந்தது. ​புதுச்சேரி பல்கலைக்கழகத் தொலைதுார கல்வி மற்றும் கலாசார உறவுத் துறை இயக்குனர் நடராஜன் சிறப்பு விருந்தினராகக் கலந்துகொண்டார்.

சாதனை மாணவர்களுக்குப் பரிசுகள் மற்றும் சான்றிதழ்களை வழங்கி சிறப்புரையாற்றினார். தொடர்ந்து, நடந்த கலாசார கொண்டாட்ட நிகழ்ச்சியில் சிறப்பு விருந்தினர்களாக மிமிக்ரி கலைஞர் நவீன், சூப்பர் சிங்கர் பாடகி அனு மற்றும் திரைப்பட நடிகை காவ்யா அனில் ஆகியோர் கலந்துகொண்டனர்.

நிகழ்ச்சியில், பேராசிரியர்கள், மாணவர்கள், ஊழியர்கள் என பலர் கலந்துகொண்டனர். விழா ஏற்பாடுகளை கல்லுாரி நிர்வாகத்தினர் மற்றும் பேராசிரியர்கள் ஒருங்கிணைப்பு செய்திருந்தனர். கல்லுாரி துணை முதல்வர் நேத்திர பிரகாஷ் நன்றி கூறினார்.