புதுச்சேரி கதிர்காமம் பகுதியில், குழந்தைகளுக்கு போலியோ சொட்டு மருந்து வழங்கும் முகாமை, முதல்வர் ரங்கசாமி நேற்று துவக்கி வைத்தார். பின், அவர் கூறியதாவது:

எங்கள் கூட்டணியில், வரும் லோக்சபா தேர்தலில், புதுச்சேரி தொகுதி பா.ஜ.,விற்கு ஒதுக்கப்பட்டுள்ளது. இது, ஏற்கனவே முடிவு செய்யப்பட்ட ஒன்று. வேட்பாளர் யார் என்பதை பா.ஜ., அறிவிக்கும். தேர்தல் பிரசாரத்திற்கு பிரதமர் மோடி புதுச்சேரிக்கு நிச்சயம் வருவார்; அதில், எந்த சந்தேகமும் தேவையில்லை.

இவ்வாறு அவர் கூறினார்.