புதுச்சேரி சட்டசபையில் சபாநாயகர் மற்றும் துணை சபாநாயகர் ஆகியோருக்கு பாதுகாப்பு பணியில் இருந்த இரு பாதுகாப்பு அதிகாரிகள் மாற்றப்பட்டுள்ளனர். அதன்படி​ சபாநாயகரின் சிறப்புப் பாதுகாப்பு அதிகாரியாக பணியாற்றி வந்த இன்ஸ்பெக்டர் முருகன், தற்போது ஊழல் தடுப்பு மற்றும் கண்காணிப்புப் பிரிவுக்கு இடமாற்றம் செய்யப்பட்டுள்ளார். இதேபோல், துணை சபாநாயகரின் சிறப்புப் பாதுகாப்பு அதிகாரியாக பணியாற்றி வந்த சப்--இன்ஸ்பெக்டர் பிரதாபன், உருளையன்பேட்டை போலீஸ் நிலையத்திற்கு மாற்றப்பட்டுள்ளார். இவ்வாறு அதில் தெரிவிக்கப்பட்டுள்ளது.