புதுச்சேரி மூலக்குளம் சக்தி நகரில் உள்ள இறகு பந்து பயிற்சிமையத்தில்,50 முதல் 70 வயது வரை நிரம்பிய, கலப்பு இரட்டைகளுக்கான இறகு பந்து போட்டி நடத்தப்பட்டது. இப்போட்டியில், புதுச்சேரி, காரைக்கால், சென்னை, கேரளா, பெங்களூரு ஆகிய நகரங்களில் இருந்து பங்கேற்ற வீரர்கள், 8 அணிகளாக பிரிக்கப்பட்டு, லீக் முறையில் போட்டிகள் நடத்தப்பட்டது.

இந்த போட்டியில், சர்வதேச அளவில் மூத்த வீரர்கள் கலந்து கொண்டது குறிப்பிடதக்கது.

வெற்றிப்பெற்ற அணிகளுக்கு பரிசளிப்பு விழா நடந்தது. விழாவில், முன்னாள் அமைச்சர் தியாகராஜன், 5 ஸ்டார் நிர்வாக இயக்குனர் கலியமூர்த்தி, மோகன்ராஜ் ஆகியோர் பரிசு வழங்கி அணிகளை பாராட்டினர்.அமைப்பாளர் ஜிவானந்தம் நன்றி கூறினார்.