ஆந்திரா மாநிலம், பல்லுவேலா, ஈஸ்ட் கோதாவரியை சேர்ந்தவர், ரவுலங்கி ஆனந்த், 45; இவர், ஆந்திராவில், சுப நிகழ்ச்சிகள் மற்றும் திருவிழாக்களுக்கு ஆர்டரின் பேரில், பரோட்டா மாஸ்டராக பணி செய்து வந்தார்.

இந்நிலையில், புதுச்சேரியில் நடந்த உணவு திருவிழாவிற்கு, பரோட்டா தயாரிக்க, கருவடிக்குப்பத்தை சேர்ந்த, ஒருங்கிணைப்பாளர் ராம்குமார் என்பர் மூலம், ஆந்திராவில் இருந்து அழைத்து வரப்பட்டார்.

அதனை அடுத்து, மறைமலை அடிகள் சாலையில் உள்ள விடுதியில் தங்கியிருந்த அவர், கடந்த 13ம் தேதி அறையில் இருந்து காணாமல் போனார். ஆந்திராவில் உள்ள வீட்டுக்கும் அவர் செல்லவில்லை.

பல்வேறு இடங்களில் தேடியும் அவர் கிடைக்கததால், ராம்குமார் கொடுத்து புகாரின் பேரில், உருளையன்பேட்டை போலீசார் வழக்கு பதிந்து விசாரணை நடத்தி வருகின்றனர்.