திருபுவனை சப் இன்ஸ்பெக்டர் பிரியா மற்றும் போலீசார், நேற்று முன்தினம் மதகடிப்பட்டு எல்லையில் வாகன சோதனை மேற்கொண்டனர். அப்போது, பைக்கில் விழுப்புரம் நோக்கி சென்ற இருவரை நிறுத்தி விசாரித்தனர். அவர்கள் , விழுப்புரம் பெரிய காலவனி, ஜி.ஆர்.பி.வீதி சங்கர் மகன் பழனிவேல்,30; சித்தேரிக்கரை வேடியப்பன் கோவில் வீதி செல்வம் மகன் நிஜந்தன்,30; என்பதும், அவர்கள் ஓட்டி வந்த பைக், மதகடிப்பட்டு பகுதியில் திருடியது என்பது தெரிய வந்தது.

அதனைத் தொடர்ந்து பைக்கை பறிமுதல் செய்த போலீசார் இருவரையும் கைது செய்து கோர்ட்டில் ஆஜர்படுத்தி சிறையில் அடைத்தனர்.