: இதற்கான அறிவிப்பை, கவர்னர் கைலாஷ்நாதன் உத்தரவின்படி போக்குவரத்து துறை கூடுதல் செயலர் சிவக்குமார் வெளியிட்டுள்ளார்.

புதுச்சேரியில் கடந்த 2018 ம் ஆண்டிற்கு பிறகு தற்போது பஸ் கட்டணம் உயர்த்தப்பட்டுள்ளது.

அதிகரிக்கப்பட்ட கட்டண விபரம்: டவுன் பஸ் (நான்-ஏ.சி.,)

ஏ.சி., வசதி இல்லாத டவுன் பஸ்களுக்கு குறைந்தபட்ச கட்டணம் 5ல் இருந்து 7 ரூபாய் ஆகவும், அதிகப்பட்ச கட்டணம் 13ல் இருந்து 17 ரூபாயாக உயர்த்தப்பட்டுள்ளது. அதாவது குறைந்த பட்சம் 2 ரூபாய், அதிகபட்சம் 4 ரூபாய் உயர்த்தப்பட்டுள்ளது.

டவுன் பஸ் கட்டணம் ஒவ்வொரு ஸ்டேஜ் ( 2 கி.மீ., தொலைவிற்கு) ஏற்ப மாற்றியமைக்கப்பட்டுள்ளது. அதன்படி இரண்டாம் ஸ்டேஜ் - 8 ரூபாய்; மூன்றாவது ஸ்டேஜ்- 9; நான்காவது ஸ்டேஜ் -10; ஐந்தாம் ஸ்டேஜ்- 12, ஆறாவது ஸ்டேஜ்- 13, ஏழாவது ஸ்டேஜ்- 14, எட்டாவது ஸ்டேஜ்- 16, ஒன்பதாவது ஸ்டேஜ்- 17 ரூபாயாக கட்டணம் நிர்ணயிக்கப்பட்டுள்ளது.

ஏ.சி., டவுன் பஸ்:

ஏ.சி., டவுன் பஸ் குறைந்தபட்ச கட்டணம் 10ல் இருந்து 13 ஆகவும், அதிகப்பட்ச கட்டணம் 26ல் இருந்து 34 ரூபாயாக உயர்த்தப்பட்டுள்ளது. அதாவது குறைந்தபட்சம் 3ம், அதிகப்பட்சம் 8 ரூபாயாக உயர்த்தப்பட்டுள்ளது.

இதன்படி முதல் ஸ்டேஜ் - 13, இரண்டாவது ஸ்டேஜ்-16, மூன்றாவது ஸ்டேஜ்- 18, நான்காவது ஸ்டேஜ்-21, ஐந்தாவது ஸ்டேஜ் - 23, ஆறாவது ஸ்டேஜ்-26, ஏழாவது ஸ்டேஜ்-29; எட்டாவது ஸ்டேஜ்- 31, ஒன்பதாவது ஸ்டேஜ்- 34 ரூபாய் என கட்டணம் நிர்ணயிக்கப்பட்டுள்ளது.

டீலக்ஸ் நான் ஏ.சி., பஸ்:

டீலக்ஸ் நான் ஏ.சி., பஸ்களுக்கு, ஏ.சி., டவுன் பஸ்களுக்கான கட்டணமே நிர்ணயிக்கப்பட்டுள்ளது. அதே வேளையில் டீலக்ஸ் ஏ.சி., பஸ்களுக்கு குறைந்தபட்ச கட்டணம் 12ல் இருந்து 16 ஆகவும், அதிகபட்ச கட்டணம் 36ல் இருந்த 47 ரூபாயாக உயர்த்தப்பட்டுள்ளது.

எக்ஸ்பிரஸ் பஸ்

ஏ.சி.. அல்லாத எக்ஸ்பிரஸ் பஸ்கள் புதுச்சேரி எல்லைக்குள் கி.மீ.,க்கு 0.75 பைசா என்பது 0.98 பைசாவாக உயர்த்தப்பட்டுள்ளது. 25 கி.மீ., வரை 20 என, இருந்த குறைந்தபட்ச கட்டணம் 25 ரூபாயாக உயர்த்தப்பட்டுள்ளது.

ஏ.சி., எக்ஸ்பிரஸ் பஸ்கள் புதுச்சேரி எல்லைக்குள் கி.மீ., 1.30 என்பது தற்போது ரூ.1.69 ஆக உயர்த்தப்பட்டுள்ளது. முதல் 25 கி.மீ., 50 ரூபாய் வசூலிக்கலாம்.

வால்வோ பஸ்

புதுச்சேரி நகர பகுதிக்குள் ஏ.சி., வால்வோ பஸ் கி.மீ.,க்கு 1.70 என்பது தற்போது 2.21 ரூபாயாக உயர்த்தப்பட்டுள்ளது. அதாவது, முதல் 30 கி.மீ.,க்கு 54 ஆக இருந்த கட்டணம் தற்போது 70 ரூபாயாக உயர்ந்துள்ளது.

இந்த கட்டண உயர்வு உடனடியாக அமலுக்கு வந்துள்ளது.

இந்த கட்டண உயர்வு மூலம் புதுச்சேரி - கடலுார் பஸ் கட்டணம் 20 ரூபாயில் இருந்து 25 ஆக உயர்ந்துள்ளது.