மணக்குள விநாயகர் கல்வி அறக்கட்டளை தலைவர் தனசேகரன், செயலாளர் நாராயணசாமி கேசவன், பொருளாளர் ராஜராஜன், இணை செயலாளர் வேலாயுதம், கல்லுாரி இயக்குநர் வெங்கடாசலபதி ஆகியோர் வழிகாட்டுதலுடன், மணக்குள விநாயகர் கலை மற்றும் அறிவியல் கல்லுாரி முதல்வர் முத்துலட்சுமி நிகழ்ச்சியை துவக்கி வைத்து, வாழ்த்துரை வழங்கினார்.

நிகழ்ச்சியில், உலகப் பொருளாதார நெருக்கடிகள், உலகப் பொருளாதார சவால்கள், பட்ஜெட் குறித்த மாணவர்களின் பாராளுமன்றம், பட்ஜெட் துணுக்குகள், நேர்காணல் காட்சிகள், வினாடி - வினா, புதிய தொழில் சிந்தனைகள், குறும்படம் உருவாக்கம் போன்ற பல்வேறு வணிகப் பிரிவு சார்ந்த செயல்பாட்டினை உருவாக்கி, மாணவர்கள் தங்கள் ஆளுமைத்திறனை வெளிப்படுத்தியிருந்தனர். மேலும் பார்வையாளர்களுக்கு புரியும் வண்ணம் மாணவர் கலந்துரையாடல் நடைபெற்றது.

வணிகவியல் துறையின் முதுகலை மற்றும் இளங்கலை மாணவர்கள், மணக்குள விநாயகர் கலை மற்றும் அறிவியல் கல்லுாரியின் அனைத்து மாணவர்கள், துறைத் தலைவர்கள், பேராசிரியர்கள் கலந்து கொண்டனர். ஏற்பாடுகளை வணிகவியல் துறைத்தலைவர் ஜானகி ரமா செய்திருந்தார்.