அரியாங்குப்பம், சப்தகிரி ட்ரீம் சிட்டியை சேர்ந்தவர், சரவணன், 41. இவர் பழைய கார்களை வாங்கி, விற்பனை செய்து வருகிறார். அரியாங்குப்பத்தில் உள்ள கடையை நேற்று காலை திறக்க சென்றார். கதவில் இருந்த வெளிப்புற பூட்டு உடைக்கப்பட்டு, கடை உள்ளே நிறுத்தி வைத்திருந்த ஐ 20 மாடல் கார் சேதப்படுத்தப்பட்டிருந்தது. உள்ளே சென்று பார்த்த போது, பீரோவில் இருந்த, 1 லட்சத்து 60 ஆயிரம் ரூபாய் ரொக்கம் மற்றும் கார் டூல்ஸ் பொருட்கள் திருடப்பட்டிருந்தது.

புகாரின் பேரில், அரியாங்குப்பம் சப் இன்ஸ்பெக்டர் முருகானந்தம் மற்றும் போலீசார் வழக்கு பதிந்து, பணம் உள்ளிட்டவையை திருடிய மர்ம நபரை தேடி வருகின்றனர்.