புதுச்சேரி கோவிந்தசாலையை சேர்ந்த பெண்ணின், இன்ஸ்டாகிராம் கணக்கில் சகோதரர் பெயரில் மருத்துவ அவசரம் பணம் தேவை என குறுச்செய்தி மொபைல் எண்ணுடன் வைத்துள்ளது. அதை உண்மை என நம்பிய அப்பெண், அதில் இருந்த மொபைல் எண்ணிற்கு ரூ. 30 ஆயிரம் அனுப்பி வைத்துள்ளார். அதன்பிறகே ஆன்லைன் மோசடி கும்பல் இன்ஸ்டாகிராமில் தனது சகோதரர் பெயரில் போலியாக கணக்கு துவங்கி, பணத்தை பெற்று ஏமாற்றியது தெரியவந்தது.

இதேபோல், புது சாரத்தை சேர்ந்தவர், பேஸ்புக்கில் நிதி அமைச்சரின் முதலீடு திட்டம் தொடர்பான விளம்பரத்தை பார்த்துள்ளார். அதை நம்பி, அந்த திட்டத்தில் ரூ. 18 ஆயிரத்து 499 முதலீடு செய்து ஏமாந்துள்ளார்.

மடுகரையை சேர்ந்த பெண்ணை தொடர்பு கொண்ட மர்ம நபர், வங்கி அதிகாரி போல் பேசியுள்ளார். அதில், வங்கி கணக்கின் கே.ஓய்.சி.,யை புதுப்பிக்க ஏ.டி.எம். கார்டு விவரங்கள் மற்றும் ஓ.டி.பி. எண்ணை கேட்டுள்ளார். இதைநம்பிய அவர், மர்மநபருக்கு அனைத்து விவரங்களையும் தெரிவித்துள்ளார். அதன்பின் அவரது வங்கியில் இருந்து ரூ.10 ஆயிரத்து 500யை மோசடி கும்பல் எடுத்து ஏமாற்றியுள்ளது.

இதேபோல், வடமங்கலத்தை சேர்ந்தவர் 6 ஆயிரத்து 393, பிள்ளையார்குப்பத்தை சேர்ந்தவர் 4 ஆயிரத்து 500 என 5 சைபர் மோசடி கும்பலிடம் ரூ. 69 ஆயிரத்து 892 இழந்துள்ளனர்.

இதுகுறித்த புகாரின் பேரில், சைபர் கிரைம் போலீசார் வழக்குப் பதிந்து விசாரித்து வருகின்றனர்.