திருக்கனுார் சப் இன்ஸ்பெக்டர் பிரியா மற்றும் போலீசார் நேற்று முன்தினம் இரவு தீவிர ரோந்து பணியில் ஈடுப்பட்டு கொண்டிருந்தனர். அப்போது, திருக்கனுார், கே.ஆர்.பாளையம் புளியதோப்பு அருகே, குடிபோதையில் பொதுமக்களுக்கு இடையூராக தகராறில் ஈடுப்பட்டு கொண்டிருந்த 2 பேரை பிடித்து போலீசார் விசாரணை நடத்தினர்.

அதில், விழுப்புரம், வி.புத்துாரைச் சேர்ந்த பால்ராஜ், 29; செங்மேட்டைச் சேர்ந்த பிரபு, 33; என்பது தெரியவந்தது. இதையடுத்து, குடிபோதையில் பொதுமக்களுக்கு இடையூர் ஏற்படுத்தியதாக இரண்டு பேர் மீதும் போலீசார் வழக்குப் பதிந்து கைது செய்தனர்.