புதுச்சேரியில் தீபாவளி பண்டிகையையொட்டி, ரேஷன் அட்டைதாரர்களுக்கு, இலவசமாக அரிசி, மற்றும் சர்க்கரை வழங்கப்படும் என முதல்வர் ரங்கசாமி அறிவித்திருந்தார்.

அதன்படி, பாகூர் தொகுதியில் இலவச அரிசி மற்றும் சர்க்கரை வழங்கும் நிகழ்ச்சி காட்டுக்குப்பம் ரேஷன் கடையில் நேற்று நடைபெற்றது.

இதில், செந்தில்குமார் எம்.எல்.ஏ., பங்கேற்று, ரேஷன் அட்டைதாரர்களுக்கு அரிசி மற்றும் சர்க்கரை வழங்கும் பணியை துவக்கி வைத்தார்.

அப்போது, அவர் பேசுகையில் ''புதுச்சேரியில் ரேஷன் கடைகளை திறந்து அரிசி உள்ளிட்ட அத்தியாவசிய பொருட்களை வழங்க வேண்டும் என இண்டியா கூட்டணி கட்சிகள் உள்ளிட்ட பல்வேறு அமைப்புகள் வலியுறுதினர்.

இதையடுத்து, தற்போது, புதுச்சேரியில் ரேஷன் கடை திறக்கப்பட்டு தீபாவளி பண்டிகைக்கான அரிசி, சர்க்கரை வழங்கப்பட்டு வருவது மகிழ்ச்சியை அளிக்கிறது. இதற்காக முதல்வர் மற்றும் அதிகாரிகளுக்கு பாராட்டும் நன்றியையும் தெரிவித்து கொள்வோம் என்றார்''.