தொழிலாளர் துறை வேலைவாய்ப்பு இயக்குநர் மாணிக்க தீபன் செய்திக்குறிப்பு:

புதுச்சேரி அரசு தொழிலாளர் துறை, வேலைவாய்ப்பகம் வரும், 18 ம் தேதி, லாஸ்பேட்டை, மகளிர் பொறியியல் கல்லுாரியில், காலை 9:00 மணி முதல் மாலை 4:00 மணி வரை, வேலை வாய்ப்பு முகாமை நடத்த உள்ளது.

இதில், புதுச்சேரி, தமிழகம் மற்றும் பிற மாநிலங்களை சேர்ந்த, இன்டெகரா, சுப்ரீம் இன்டஸ்ட்ரீஸ், டி.வி.எஸ்., லுாகாஸ், இந்துஸ்தான் லீவர் உள்ளிட்ட, 50 முன்னணி தனியார் நிறுவனங்களில் பங்கேற்று , 2,500க்கும் மேற்பட்ட, காலி பணியிடங்களை நிரப்ப திட்டமிடப்பட்டுள்ளது.

இந்த முகாமில், 10, பிளஸ் 2 , ஐ.டி.ஐ., டிப்ளமோ, மருத்துவம், பொறியியல், கலை, பார்மசி, நர்சிங், அறிவியல், வணிகம், கல்வி, எம்.பி.ஏ.., மற்றும் முதுநிலை முடித்தவர்கள், பங்கேற்கலாம்.

இதில் கலந்து கொள்பவர்கள், 10 சுயவிவரக்குறிப்புகள், கல்வித்தகுதிக்கான உண்மை மற்றும் நகல் சான்றிதழ்களுடன், கலந்து கொண்டு பயன் பெறலாம்.

இவ்வாறு அவர் தெரிவித்துள்ளார்.