காரைக்கால் நகரில் நாய்கள் அதிகம் காணப்படுகின்றன. தெருக்களில் நாய்கள் கூட்டம் அதிகம் காணப்படுவதால் மக்கள் அச்சத்துடன் செல்லும் நிலை உள்ளது.

நீலக்கிடங்கு வீதியில் உள்ள அப்துல்பாசித் என்பவர் ஆடுகள் வளர்த்து வருகிறார். வீட்டில் கட்டியிருந்த ஐந்து ஆடுகளை தெருநாய்கள் நேற்று கடித்து குதறியதால், பரிதா பமாக உயிரிழந்தன.

பாதிக்கப்பட்ட அப்துல்பாசித் இறந்த ஆடுகளுடன் நகராட்சி முன், போராட்டத்தில் ஈடுபட்டார். அப்போது, நகராட்சி அலட்சியத்தால் நகர் பகுதியில் நாய்கள் அதிகம் சுற்றித்திரிகின்றன. இதனால் பொதுமக்கள் மற்றும் கால்நடைகள் பாதிக்கப்பட்டு வருகிறது.

எனவே நாய்களை பிடிக்க நடவடிக்கை எடுக்க வேண்டும் என, அறிவுறுத்தினர். பின் அங்கிருந்து புறப் பட்டார்.