புதுச்சேரி, சாரம் முத்துவிநாயகர், வள்ளி தேவசேனா சமேத சுப்பிரமணிய சுவாமி, நாகமுத்து மாரியம்மன் கோவில் அமைந்துள்ளது. இக்கோவிலில், கந்த சஷ்டி சூரசம்ஹார பிரம்மோற்சவ விழா வரும் 2ம் தேதி துவங்கி, 14ம் தேதி வரை நடக்கிறது. இதையொட்டி, வரும் 1ம் தேதி மாலை 6:00 மணிக்கு விக்னேஸ்வர பூஜை, வாஸ்து சாந்தியும், 2ம் தேதி காலை 7:00 மணிக்கு அபிஷேகம் மற்றும் விக்னேஸ்வர பூஜை, காலை 10:30 மணிக்கு காப்பு கட்டுதல், கொடியேற்றம் நடக்கிறது.

தொடர்ந்து, தினமும் மாலை 5:00 மணிக்கு மகா அபிஷேகமும், இரவு 7:00 மணிக்கு யாகசாலை பூஜை ஆரம்பம், இரவு 8:00 மணிக்கு மகா பூர்ணாஹூதி, திபாராதனை மற்றும் பல்வேறு வாகனங்களில் சுவாமி வீதியுலா நடக்கிறது.

முக்கிய நிகழ்வாக, வரும் 7ம் தேதி இரவு 7:00 மணிக்கு சக்திவேல் வாங்குதல், ஆட்டு கிடா வாகனத்தில் சூரசம்ஹாரமும், 8ம் தேதி இரவு 7:00 மணிக்கு திருக்கல்யாண உற்சமும், 10ம் தேதி காலை 8:30 மணிக்கு திருத்தேர் வடம் பிடித்தல், இரவு 7:00 மணிக்கு கோவில் குளத்தில் தெப்பல் உற்சவம் நடக்கிறது.

விழா ஏற்பாடுகளை, கோவில் நிர்வாக அதிகாரி நீலகண்டன், ஆலய அர்ச்சகர்கள் சிவராம சிவாச்சாரியார், கார்த்திகேய குருக்கள், உதவி தம்புரார் முத்துகுமாரசாமி செய்து வருகின்றனர்.