புதுச்சேரி எல்லப்பிள்ளைச்சாவடி, 100 அடி சாலையில் சிருங்கேரி சிவகங்கா மடம், சாரதாம்பாள் கோவிலில் 50ம் ஆண்டு சாரதா நவராத்திரி சிறப்பு ஹோமங்கள் 3ம் தேதி துவங்கியது.

அதையொட்டி, 4ம் நாளான நேற்று (6ம் தேதி) காலை 8:00 மணி முதல் 10:30 வரை துார்க்கா சூக்த ஹோமம், 10:30 மணி முதல் 12:30 வரை காயத்திரி ஹோமம் நடந்தது. மாலை 6:00 மணிக்கு சங்கீத சலங்கை நாட்டியாலயாவின் பரதம் நிகழ்ச்சி நடந்தது.

இன்று (7ம் தேதி) காலை 8:00 மணி முதல் 10:30 வரை மகாருத்ர ஹோமம், சுயம்வராபார்வதி ஹோமம், 10:30 மணி முதல் 12:30 வரை கந்தர்வ ராஜா ஹோமம் நடக்கிறது. முக்கிய நிகழ்வாக வரும் 11ம் தேதி மகாசண்டி ஹோமமும், 12ம் தேதி ஊஞ்சல் உற்சவம் நடக்கிறது.