விழுப்புரம் ஆர்.பி., நகரை சேர்ந்தவர் பாலசுந்தரம், 45; அரசு பஸ் கண்டக்டர். இவரும், விழுப்புரம் வழுதரெட்டியை சேர்ந்த டிரைவர் குபேர், 50; ஆகிய இருவரும் கடந்த, 28ம் தேதி குண்டலபுலியூர் செல்லும் அரசு பஸ்சில் பணியில் இருந்தனர்.

அப்போது பயணிகளுடன் பஸ்சை நிறுத்திவிட்டு, அசோகபுரி அருகே டீக்கடையில் டீ குடித்தனர். இதனால் இருவருக்கும் போக்குவரத்துக்கழக அதிகாரிகள் 'மெமோ' கொடுத்து, சங்கராபுரத்திற்கு இடமாற்றம் செய்தனர். இதைக்கண்டித்து, பாலசுந்தரம், குபேர் ஆகியோர் நேற்று காலை 10:00 மணியளவில் தங்கள் உடலில் டீசல் ஊற்றிக்கொண்டு விழுப்புரம், 2வது அரசு போக்குவரத்துக்கழக பணிமனையில் 'டவர்' மீது ஏறி தற்கொலை மிரட்டல் விடுத்தனர்.

விழுப்புரம் தாலுகா போலீசார் பேச்சுவார்த்தை நடத்தினர். தொடர்ந்து இருவரும் டவரில் இருந்து கீழே இறங்கினர். பின், போலீசார் அறிவுரையை ஏற்று இருவரும் அங்கிருந்து சென்றனர்.