சேதராப்பட்டு போலீசார் நேற்று முன்தினம் ரோந்து சென்றனர். அப்போது சேதராப்பட்டு - மயிலம் சாலையில், தனியார் கல்லுாரி அருகில் உள்ள பெட்டிக் கடையில் குட்கா பொருட்கள் விற்பதாக போலீசாருக்கு தகவல் கிடைத்தது.

அதன்பேரில் அங்குள்ள கடையில் சோதனை செய்தனர். அதில் புளிச்சபள்ளம் பகுதியைச் சேர்ந்த வேலன், 25, என்பவரது கடையில் குட்கா பொருட்கள் இருந்தது. இதையடுத்து அவரை கைது செய்த போலீசார், கடையில் இருந்த பான்மசாலா, சிகரெட், ஹான்ஸ் உள்ளிட்ட குட்கா பொருட்களை பறிமுதல் செய்தனர்.