மண்ணாடிப்பட்டு தொகுதி குமாரப்பாளையம் கூட்டுறவு பால் உற்பத்தியாளர் சங்கத்தின் நிர்வாக குழுவினர் பதவி காலம் முடிவடைந்தது. அதை தொடர்ந்து, அடுத்த மூன்று ஆண்டுகளுக்கான புதிய நிர்வாக குழுவை தேர்ந்தெடுக்கும் தேர்தல் கடந்த 18ம் தேதி நடந்தது.

இதில், புதிதாக தேர்வு செய்யப்பட்ட தலைவர் மற்றும் இயக்குனர்கள் பதவியேற்பு விழா நேற்று நடந்தது. விழாவில், அமைச்சர் நமச்சிவாயம் முன்னிலையில், புதிய தலைவராக அரிராமன், இயக்குனர்களாக ராமசாமி, வேணுகோபால், வெங்கடேசன், விசுவநாதன், வெங்கடேஸ்வரன், உஷா, கமலா, முனியம்மாள் ஆகியோர் பதவி ஏற்றுக்கொண்டனர்.

விழாவில், சங்க செயலாளர் வீரராகவன், ஜெயலட்சுமி துளசிங்கம், முத்து கிருஷ்ணன், ராமநாதன், தயாளன், கோவிந்தன், ராமதாஸ் உள்ளிட்ட பலர் கலந்து கொண்டனர்.