மணக்குள விநாயகர் கல்வி அறக்கட்டளையின் தலைவர் தனசேகரன், செயலாளர் நாராயணசாமி கேசவன், பொருளாளர் ராஜராஜன், இணைச் செயலாளர் வேலாயுதம் ஆகியோர் தலைமை தாங்கினர்.

கல்லுாரி முதல்வர் முத்துலட்சுமி வரவேற்றார். கல்லுாரி இயக்குநர் வெங்கடாசலபதி முன்னிலை வகித்தார்.வேலைவாய்ப்பு துறை டீன் கைலாசம், வேலைவாய்ப்பு ஒருங்கிணைப்பாளர் மதுசூதனன் ஆகியோர் வாழ்த்துரை வழங்கினர்.

தொடர்ந்து மணக்குள விநாயகர் கலை மற்றும் அறிவியல் கல்லுாரியில் 2022--25ம் ஆண்டில் கல்வி பயின்ற 450 மாணவர்களுக்கு பணி நியமன ஆணை வழங்கப்பட்டது.தொடர்ந்து மணக்குள விநாயகர் கலை மற்றும் அறிவியல் கல்லுாரியின் வேலைவாய்ப்பு சிறப்பு மலர் வெளியிடப்பட்டது.

மூன்றாண்டில் அனைத்து பாடங்களிலும் முதல் மற்றும் இரண்டாம் இடங்களைப் பிடித்த மாணவர்களுக்கு பரிசு மற்றும் சான்றிதழ்கள் வழங்கப்பட்டது. தேசிய அளவில் ஐ.சி.எ.ஐ., மற்றும் ஐ.சி.எம்.எ.ஐ., அமைப்பு நடத்திய தேர்வில் வெற்றி பெற்ற வணிகவியல் துறை மாணவர்களுக்கும் பரிசு, சான்றிதழ் வழங்கபட்டது.கல்லுாரிஉயிரி அறிவியல் துறைத்தலைவர் ராஜாராம் நன்றி கூறினார்.