இதையொட்டி, காலை 6:00 மணிக்கு கொடியேற்றம், மூல மந்திர ஹோமம் நடந்தது. 8:30 மணிக்கு மகா பூர்ணாஹூதி, மகா தீபாராதனை, கடம் புறப்பாடு, கலச அபிஷேகம் மற்றும் 108 பன்னீர் குட அபிஷேகம் நடந்தது.

தொடர்ந்து, ஷரன் ஷரனி இசைக்குழுவினரின் சாய் பஜனை நடந்தது. காலை 11:30 மணிக்கு பல்லக்கு உற்சவம், 1:30 மணிக்கு சாய் சத்சரித பாராயணம், சாய் நாமஜெபம் மற்றும் ஜோதி வழிபாடு நடந்தது.பின்னர், சாய்பக்தர்களால் எழுதப்பட்ட 'சீரடி சாய்பாபாவின் நாமாவளி' புத்தகங்கள் வெளியிடப்பட்டது. மாலை 6:00 மணிக்கு ஆரத்தி மற்றும் பஜனை நிகழ்ச்சி நடந்தது.திரளான பக்தர்கள், பொதுமக்கள் தரிசனம் செய்தனர்.