கிரிக்கெட் அஸோசியேஷன் ஆப் பாண்டிச்சேரி மற்றும் டி.சி.எம். நிறுவனம் இணைந்து, புதுச்சேரி மாவட்டங்களுக்கு இடையிலான 40 வயதிற்கு மேற்பட்டவர்களுக்கு, மாஸ்டர்ஸ் 10 ஒவர் கிரிக்கெட் போட்டி கேப் சீசெம் மைாதனத்தில் நடந்து வருகிறது.

நேற்று காலை 9:15 மணிக்கு மாஹே அணி, புதுவை மேற்கு அணி மோதின. முதலில் ஆடிய மேற்கு அணி 10 ஓவர்களில் 5 விக்கெட் இழந்து 121 ரன்கள் எடுத்தது. மேற்கு அணி ராஜா 28 ரன்கள், ஜெயகுமார் 27 ரன்கள் எடுத்தனர்.

பின்னர் ஆடிய மாகே அணி 10 ஓவர்களில் 3 விக்கெட் இழந்து 83 ரன்கள் எடுத்தது. மாகே அணியின் விஜீஷ் 34 ரன்கள் எடுத்தார். புதுவை மேற்கு அணியின் ராஜா 2 விக்கெட் எடுத்தார். புதுவை மேற்கு அணி 38 ரன்கள் வித்தியாசத்தில் வெற்றி பெற்றது. மேற்கு அணியின் ராஜா ஆட்டநாயகன் விருது பெற்றார்.

காலை 11:45 மணிக்கு நடந்த போட்டியில் காரைக்கால் அணி, புதுவை தெற்கு அணி மோதின. முதலில் ஆடிய காரைக்கால் அணி 10 ஓவர்களில் 6 விக்கெட் இழந்து 122 ரன்கள் எடுத்தது. மாதவன் 47 ரன்கள், ராஜேஷ் குமார் 31 ரன்கள் எடுத்தனர். புதுவை தெற்கு அணி 10 ஓவர்களில் 6 விக்கெட் இழந்து 119 ரன்கள் எடுத்தது.

பார்த்திபன் 46 ரன்கள், இளங்கோ 24 ரன்கள் எடுத்தனர். காரைக்கால் அணி 3 ரன்கள் வித்தியாசத்தில் வெற்றி பெற்றது. காரைக்கால் அணியின் மாதவன் ஆட்டநாயகன் விருது பெற்றார்.

மதியம் 2:15 மணிக்கு நடந்த போட்டியில் . முதலில் ஆடிய புதுவை வடக்கு அணி 10 ஓவர்களில் 5 விக்கெட் இழந்து 122 ரன்கள் எடுத்தது.

கில்பர்ட் 44 ரன்கள், சைஜு 43 ரன்கள் அடித்தனர். தொடர்ந்து ஆடிய ஏனாம் அணி அபாரமாக ஆடி 9.5 ஓவர்களில் 3 விக்கெட் இழந்து 123 ரன்கள் எடுத்து 7 விக்கெட் வித்தியாசத்தில் வெற்றி பெற்றது. வெங்கடேஸ்வர ராவ் 42 ரன்கள், சத்தியநாராயணா 37 ரன்கள் எடுத்தனர். ஏனாம் அணி வெங்கடேஸ்வர ராவ் ஆட்டநாயகன் விருது பெற்றார்.