புதுச்சேரி அரசு ஆதிதிராவிடர் மற்றும் பழங்குடியினர் நலத்துறை மற்றும் 'பாட்கோ' சார்பில், திருவாண்டார்கோவில் இந்திய உணவுக் கிடங்கிற்கு பின்புறம் உள்ள வாய்க்கால் கரையில் பட்டா வழங்கப்பட்ட பகுதியில் ரூ.78.89 லட்சம் செலவில்உட்புற சாலைகளை மேம்படுத்தும் பணிக்கான பூமி பூஜை நடந்தது.

அங்காளன் எம்.எல்.ஏ., தலைமை தாங்கி, பூமி பூஜை செய்து பணியை துவக்கி வைத்தார். ஆதி திராவிடர் மற்றும் பழங்குடியினர் நலத்துறை இயக்குனர் இளங்கோவன், பாட்கோ செயற்பொறியாளர் பக்தவச்சலம், மண்ணாடிப்பட்டு கொம்யூன் பஞ்சாயத்து ஆணையர் எழில்ராஜன் ஆகியோர் முன்னிலை வகித்தனர்.இளநிலைப் பொறியாளர்கள் முரளிதரன், பாஸ்கர், ஒப்பந்ததாரர் ராமையன் உள்பட பலர் கலந்துகொண்டனர்.