வில்லியனுார், வெள்ளாழர் வீதியைச் சேர்ந்தவர் செல்வி, 56. இவர் கடந்த 25ம் தேதி அதிகாலை 5:00 மணியளவில், வீட்டிலிருந்து கிருஷ்ணா நகர் 2வது தெரு வழியாக வீட்டு வேலைக்கு நடந்து சென்று கொண்டிருந்தார்.

அப்போது அந்த வழியாக வந்த மர்ம நபர் செல்வி கழுத்தில் அணிந்திருந்த 3 சவரன் தங்க தாலி செயினை அறுத்துக் கொண்டு தப்பியோடினார். செல்வி புகாரின் பேரில், வில்லியனுார் போலீசார் வழக்குப் பதிந்து விசாரித்து வருகின்றனர்.