நேருயுவக்கேந்திரா துணை இயக்குனர் தெய்வசிகாமணி விடுத்துள்ள செய்திகுறிப்பு:

நேருயுவக் கேந்திரா சார்பில், இந்த ஆண்டிற்கான மாவட்ட அளவிலான இளையோர் கலைவிழா போட்டிகள் (யுவ உட்சவ்) வரும் 12 மற்றும் 14 ஆகிய தேதிகளில் நடக்கிறது. வரும் 12ம் தேதி கதிர்காமம் பெண்கள் மேல்நிலைப் பள்ளியில் நடக்கும் போட்டியில் பேச்சு, ஓவியம், கவிதை, மொபைல் போட்டோகிராபி திறமைகளை வெளிப்படுத்தலாம்.

வரும் 14ம் தேதி மூலக்குளம் கிறிஸ்ட் பொறியியல் கல்லுாரியில் நடக்கும் போட்டியில் கிராமிய குழு நடனம், அறிவியல் மேளா (குழு), அறிவியல் மேளா (தனி நபர்) போட்டிகளில் இளைஞர் தங்கள் திறமைகளை வெளிப்படுத்தலாம்.

வெற்றி பெறுபவர்களுக்கு ரொக்க பரிசு மற்றும் சான்றிதழ் வழங்கப்படும். மாவட்ட அளவில் வெற்றி பெறுபவர்கள் மாநில மற்றும் தேசிய அளவில் நடக்கும் கலைவிழா போட்டிகளில் பங்கேற்க அனுமதிக்கப்படுவர்.

போட்டியில் பங்கேற்க மை பாரத்போர்டல் என்ற செயலியில் பெயரை பதிவு செய்திருக்க வேண்டும். மேலும், 15 முதல் 29 வயதிற்கு உட்பட்டவராக இருக்க வேண்டும்.

போட்டியில் பங்கேற்க விருப்பம் உள்ளவர்கள், புதுச்சேரி புதிய பஸ்டாண்ட் எதிரில் உள்ள பெரியார் நகர் 4- வது குறுக்கு தெரு, சுபாஷ்சந்திர போஸ் உயர்நிலைப்பள்ளி முதல் மாடி, துணை இயக்குனர் நேருயுவ கேந்திரா அலுவலகத்தை நேரடியாக தொடர்பு கொண்டோ அல்லது dyc.pondicherry@gmail.com என்ற இ-மெயில் மூலமாகவோ பதிவு செய்து கொள்ளலாம்.

புதுச்சேரி பகுதியை சார்ந்தவர் என்பதற்கு சான்று அளிக்க வேண்டும். வரும் 9ம் தேதி மாலை 5:00 மணிக்குள் விண்ணப்பிக்க வேண்டும். கூடுதல் தகவல்களுக்கு 7358401212 மற்றும் 9600824892 என்ற மொபைல் எண்ணில் தொடர்பு கொள்ளலாம்.

இவ்வாறு அதில், கூறப்பட்டுள்ளது.