புதுச்சேரியில் உள்ள 30 சட்டசபை தொகுதிகளுக்கும் ஒவ்வொரு சென்டிமென்ட் உள்ளது. இதில், பிரதான சென்டிமென்ட் சனி மூலை சென்டிமென்ட். புதுச்சேரி பிராந்தியத்தின் சனி மூலையில் அமைந்துள்ள காலாப்பட்டு தொகுதியில் இருந்தே அனைத்து கட்சி தலைவர்களும் தேர்தல் பிரசாரத்தை துவங்குவதை வழக்கமாக கொண்டுள்ளனர். மேலும், இந்த தொகுதியில் எந்த கட்சி வெற்றி பெறுகிறதோ, அந்த கட்சி ஆட்சி அமைக்கும் என்ற சென்டிமென்ட் இன்றுவரை உள்ளது. அதேபோல், நெல்லித்தோப்பு தொகுதியின் சென்டிமென்ட் தற்போது அனைத்து கட்சியினரையும் கலக்கமடையச் செய்துள்ளது.