நெட்டப்பாக்கம் போலீசார் நேற்று முன்தினம் இரவு ரோந்து பணியில் ஈடுபட்டனர். அப்போது விழுப்புரம் மாவட்டம் அற்பிசம்பாளையம் பகுதியைச் சேர்ந்த ரஞ்சித்குமார், 36; என்பவர் மதுபோதையில் தவளக்குப்பம் மெயின் ரோடு அரசு மதுபான கடை எதிரில் நின்று கொண்டு அவ்வழியாக செல்லும் பொதுமக்களை பார்த்து ஆபாசமாக பேசிக் கொண்டிருந்தார். அங்கு ரோந்து பணியில் இருந்த போலீசார் அந்த வாலிபர் மீது வழக்குப் பதிந்து கைது செய்தனர்.