நெட்டப்பாக்கம் அடுத்த தோப்பு வீராணம் செல்லியம்மன் கோவில் தெருவை சேர்ந்தவர் தமிழரசன் 32, தனியார் பஸ் டிரைவர். இவர் கடந்த 19ம் தேதி இரவு 9:00 மணியளவில், புதுச்சேரியில் இருந்து கரியமாணிக்கம் நோக்கி பஸ்சை ஓட்டி வந்தார்.இரவு 10.00 மணியளவில் பஸ் கல்மண்டபம் அரசு உயர்நிலைப் பள்ளி அருகில் வந்தபோது, அங்கு புதுக்கடையைச் சேர்ந்த தனியார் பஸ் செக்கர் பிரியன், 29,மற்றும் அடையாளம் தெரியாத 2 பேர் கொண்ட கும்பல் பள்ளி அருகில் ஓடி வந்து பீர்பாட்டிலால் பஸ் கண்ணாடியை உடைத்துவிட்டு தப்பியோடினர்.

டிரைவர் தமிழரசன் நெட்டப்பாக்கம் போலீசில் புகார் கொடுத்தார். அதன்பேரில் போலீசார் வழக்குப் பதிந்து, பிரியன் உட்பட மூவரை தேடி வருகின்றனர்.