புதுச்சேரி கிழக்கு பகுதி, போக்குவரத்து போலீஸ் நிலையத்தில் குற்ற வழக்குகளில் பறிமுதல் செய்யப்பட்ட வாகனங்கள், பெரிய வாய்க்கால் மீது உள்ள பாலத்தில் நிறுத்தி வைக்கப்பட்டுள்ளன.

அதில் உள்ள ஒரு ஆட்டோ நேற்று முன்தினம் மாலை 6:00 மணியளவில் திடீரென தீப்பிடித்து எரிந்தது.

தகவல் அறிந்த புதுச்சேரி தீயணைப்பு வீரர்கள் அங்கு விரைந்து சென்று, தீயை அணைத்தனர். இதனால் அங்கு பரபரப்பு நிலவியது.

தீ விபத்திற்கான காரணம் குறித்து பெரியக்கடை போலீசார் விசாரணை நடத்தி வருகின்றனர்.