புதுச்சேரி:வீரமாமுனிவர் அரசு உயர்நிலைப் பள்ளி மாணவர்களுக்கு இலவச கண் சிகிச்சை முகாம் நடந்தது.ரோட்டரி கிளப் ஆப் புதுச்சேரி சென்ட்ரல் மற்றும் ஜோதி கண் மருத்துவமனை மையம் ஆகியன இணைந்து நேற்றுமுன்தினம் பள்ளியில் இலவச கண் பரிசோதனை முகாமை நடத்தியது. ரோட்டரி அமைப்பின் துணை ஆளுனர் சிவராஜ் முகாமை துவக்கி வைத்தார். முகாமில் சிறப்பு விருந்தினராக ஜோதி கண் மருத்துவமனையின் இயக்குனர் டாக்டர் வனஜா வைத்தியநாதன் கலந்து கொண்டார்.