புதுச்சேரி : புதுச்சேரியில் இருந்து டில்லிக்கு, மோட்டார் சைக்கிளில் புதுமையான முறையில் சாகச பயணம் மேற்கொள்ள புதுச்சேரி மெக்கானிக் திட்டமிட்டுள்ளார்.இதுகுறித்து, அசிஸ்டு வேல்டு ரெக்கார்ட்ஸ் ரிசர்ச் பவுண்டேஷன் நிறுவனர் ராஜேந்திரன், நிருபர்களிடம் கூறியதாவது: வீராம்பட்டினத்தை சேர்ந்த மெக்கானிக் குணசீலன், மோட்டார் சைக்கிளை கைகளை மாற்றிப் பிடித்து, வித்தியாசமாக ஓட்டுவதற்கு பயிற்சி பெற்றுள்ளார். அதாவது, மோட்டார் சைக்கிளின் வலது ஹேண்ட் பாரை இடது கையாலும், இடது ஹேண்ட் பாரை வலது கையாலும் பிடித்தபடி ஓட்டுவார். இந்த முறையில் புதுச்சேரியில் இருந்து டில்லிக்கு மோட்டார் சைக்கிளில் பயணம் மேற்கொண்டு சாதனை புரிய முடிவு செய்துள்ளார்.