புதுச்சேரி:'பிணத்தை எரிக்க, புதைக்க நகராட்சியிலேயே கட்டணம் செலுத்தும் முறை விரைவில் அமல்படுத்தப்படும்' என, உள்ளாட்சித் துறை அமைச்சர் பன்னீர்செல்வம் கூறினார்.சட்டசபையில் நேற்று கேள்வி நேரத்தில் நடந்த விவாதம்:நேரு: தென்னஞ்சாலை ரோட் டில் உள்ள இடுகாட்டில் சவ அடக்கத்திற்கு அதிக கட்டணம் வசூலிப்பதாக புகார் வருவதால் சரியான கட்டணம் நிர்ணயம் செய்யப்படுமா...அமைச்சர் பன்னீர்செல்வம்: உரிய கட்டணத்தை நிர்ணயம் செய்ய உடனே நடவடிக்கை எடுக்கப்படும்.நேரு: சமூக விரோதிகளின் நடமாட்டத்தை தவிர்க்க இடுகாட்டின் கேட்டை இரவு நேரத்தில் பூட்டி வைக்க நடவடிக்கை எடுக்கப்படுமா...அமைச்சர் பன்னீர்செல்வம்: இரவு நேர நகராட்சி பாதுகாவலரை நியமித்து கேட்டை பூட்டி வைக்க நடவடிக்கை எடுக்கப்படும்.