புதுச்சேரி தர்ம சம்ரக் ஷ்ண சமிதி சார்பில், 6ம் ஆண்டு ராதா மாதவ திருக்கல்யாண மகோற்சவம், லாஸ்பேட்டை இ.சி.ஆரில் உள்ள விவேகானந்தா மேல்நிலைப் பள்ளியில் நேற்று முன்தினம் துவங்கியது.

அன்று காலை 8:30 மணிக்கு கணபதி பூஜை, தோடய மங்களம், குரு கீர்த்தனை, அஷ்டபதி பஜனை, மதியம் 2:00 மணிக்கு அஷ்டபதி பஜனை, பஞ்சபதி உபசார கீர்த்தனை நடந்தது. இரவு 7:00 மணிக்கு கலைமாமணி கல்யாணராமன் பாகவதர் தலைமையில், திவ்யநாம சங்கீர்த்தன பஜனை நடந்தது.

நேற்று காலை 7:30 மணிக்கு உஞ்சவ்ருத்தி, காலை 10:30 முதல் மதியம் 12:00 மணி வரை ராதா மாதவ திருக்கல்யாண மகோற்சவம் நடந்தது.

காலை 11:30 மணிக்கு மாங்கல்ய தாரணம் நடந்தது. தொடர்ந்து ராதா மாதவ திருக்கல்யாணம் மகோற்சவத்தையொட்டி, உடையாளூர் கலைமாமணி பஜன் சாம்ராட் கல்யாணராமன் பாகவதர் தலைமையில், ஆஞ்சநேய உற்சவ பஜனை நடந்தது. திரளான பக்தர்கள் சுவாமி தரிசனம் செய்தனர். பக்தர்களுக்கு பிரசாதம் வழங்கப்பட்டது.