என்.ஆர்.காங்., தலைவரான முதல்வர் ரங்கசாமி வரும் தேர்தலில் போட்டியிட தட்டாஞ்சாவடி மற்றும் மகங்லம் தொகுதிகளில்நேற்று மனு தாக்கல் செய்தார். அதில், அவர் சமர்ப்பித்துள்ள சொத்து விபரங்கள் வருமாறு:

மொத்த சொத்து மதிப்பு: ரங்கசாமியின் அசையும் மற்றும் அசையா சொத்துக்களின் மொத்த மதிப்பு 27,99,25,752 ரூபாய். (சுமார் 28 கோடி)

அசையும் சொத்துக்களான 2 கார், 2 பைக், ஒரு தங்க மோதிரம், ஒரு முத்து சங்கிலி ஆகியேவற்றின் மொத்த மதிப்பு ரூ. 21,25,752.

ரொக்கம்: கையிருப்பு ரூ.33,339, எஸ்.பி.ஐ., மற்றும் ஹெச்.டி.எப்.சி வங்கிகள் சேமிப்பு கணக்கில் ரூ.1,47,873.

அசையா சொத்து: தட்டாஞ்சாவடியில் 20 ஆயிரம் சதுர அடி மனை. இதன் தற்போதைய சந்தை மதிப்பு ரூ.8 கோடி. அதேபகுதியில் உள்ள குடியிருப்பு வீடுகள் உள்ளன. அதன் சந்தை மதிப்பு 19.78 கோடி. இவற்றின் மொத்த மதிப்பு ரூ.27.28 கோடி ஆகும்.

கடன் விவரங்கள்: வங்கி மற்றும் நிதி நிறுவனங்களில் கடன் ஏதும் இல்லை. இருப்பினும், தனி நடபர்களிடம் பெற்ற கடன் ரூ.35 லட்சம் நிலுவையில் உள்ளது.

வருமானம்: 2024--25 நிதியாண்டில் இவரது ஆண்டு வருமானம் ரூ.1,93,110.

சமூகப் பணி: பி.காம்., மற்றும் பி.எல்., பட்டங்களைப் பெற்றுள்ளார். ஸ்ரீ சத்குரு அப்பா பைத்தியம் சுவாமி அன்னதான அறக்கட்டளை என்ற பொதுத் தொண்டு நிறுவனத்தின் நிறுவனராகவும், அறங்காவலராகவும் உள்ளார். அவர் மீது குற்றவியல் வழக்குகள் எதுவும் நிலுவை இல்லை என தெரிவித்துள்ளார்.