புதுச்சேரி, அரியாங்குப்பம், கம்பன் நகரை சேர்ந்தவர் தேவநாதன்,42; இவர் இன்று (அக்.,26) மதியம், கடலுார் மத்திய நுாலகத்தில் நாளிதழ்கள் படித்து கொண்டிருந்தபோது, திடீரென நாற்காலியில் இருந்து நெஞ்சு வலிப்பதாக கூறி மயங்கி விழுந்தார்.

உடன், அருகில் இருந்தவர்கள் அவரை மீட்டு 108 ஆம்புலன்ஸ் மூலம் கடலுார் அரசு மருத்துவமனைக்கு அழைத்துச் சென்றனர். அங்கு அவரை பரிசோதித்த டாக்டர், வரும் வழியிலேயே இறந்துவிட்டதாக கூறினார்.

இதுகுறித்து கடலுார் புதுநகர் போலீசார் விசாரித்து வருகின்றனர்.