புதுச்சேரி: காலாப்பட்டு தொகுதியில் மொத்தம் ரூ. 54 கோடி மதிப்பீட்டில் பல்வேறு திட்டப்பணிகளை முதல்வர் ரங்கசாமி நேற்று துவக்கி வைத்தார். அதில், கணபதி செட்டிக்குளம் மீனவ கிராமத்தில், கடல் அரிப்பு தடுக்க ரூ. 6.37 கோடி, பெரியகாலாப்பட்டு மீனவ கிராமத்தில் மீன் இறங்கு தளம் அமைக்க ரூ. 20.14, கருவடிக்குப்பம், பெரிய காலாலப்பட்டு வள்ளுவர் தெரு, ஆலக்குப்பம் அன்னை நகர் ஆகிய இடங்களில் சாலை அமைத்தல் உள்ளிட்ட பல இடங்களில் வளர்ச்சி திட்டப்பணிகள் துவக்கப்பட்டது.