ஊர்வலத்தை அய்யப்பன் எம்.எல்.ஏ., துவக்கி வைத்தார். கொம்யூன் பஞ்சாயத்து ஆணையர் விநாயகமூர்த்தி தலைமை தாங்கினார். உதவிப்பொறியாளர் நாகராஜன், இளநிலைப்பொறியாளர் சுரேஷ் முன்னிலை வகித்தனர்.

பேரணி, கொம்யூன் பஞ்சாயத்து அலுவலகத்தில் இருந்து வீராம்பட்டினம் சாலை வழியாக சென்று அரியாங்குப்பம் காமராஜர் திருமண மண்டபத்தில் நிறைவடைந்தது. நிகழ்ச்சி ஏற்பாடுகளை இளநிலை உதவியாளர் செழியன் செய்திருந்தார்.

அதே போன்று, தவளக்குப்பத்தில் நடந்த விழிப்புணர்வு பேரணியை ராமு எம்.எல்.ஏ., துவக்கி வைத்தார். மாணவர்கள் துாய்மை பணி மற்றும் பிளாஸ்டிக் பயன்பாட்டை தடுப்பது குறித்து விழிப்புணர்வு ஏற்படுத்தினர்.