புதுச்சேரி, உப்பளம் நேதாஜி நகரை சேர்ந்வர் ராஜி, 64; உப்பளம் மெயின் ரோட்டில் உள்ள பெட்ரோல் பங்க் செக்யூரிட்டி.

கடந்த 13ம் தேதி வேலைக்கு சென்ற ராஜி, இரவு 9:30 மணி அளவில் பழக்கடைக்கு செல்வதற்காக மெயின் ரோட்டை கடக்க முயன்றபோது, அவ்வழியாக வந்த பைக் மோதி கீழே விழுந்து படுகாயமடைந்தார்.

அருகிலிருந்தவர்கள் அவரை மீட்டு அரசு பொது மருத்துவமனைக்கு அனுப்பினர். டாக்டர் பரிசோதித்து ராஜி இறந்து விட்டதாக தெரிவித்தார். விபத்து குறித்து கிழக்கு போக்குவரத்து போலீசார் வழக்குப் பதிந்து விசாரித்து வருகின்றனர்.