இதுகுறித்து வாக்காளர் சிறப்பு அதிகாரி இஷிதா ரெட்டி வெளியிட்டுள்ள செய்திக்குறிப்பு :

இந்திய தேர்தல் ஆணையத்தின் சிறப்பு தீவிர திருத்தப் பணியின் ஒரு பகுதியாக இன்று மற்றும் நாளை இரண்டு நாட்கள், காலை 9:00 முதல் மாலை 5:00 மணி வரை, நெல்லித்தோப்பு, முதலியார்பேட்டை தொகுதிகளுக்குட்பட்ட அனைத்து ஓட்டுச் சாவடிகளிலும் இறுதி சிறப்பு முகாம் நடக்கிறது. இன்னும் 5 நாட்களே உள்ளதால், வாக்காளர்கள் இவ்வாய்ப்பினை பயன்படுத்தி கொண்டு, பூர்த்தி செய்த எஸ்.ஐ.ஆர்., கணக்கெடுப்பு படிவங்களை அந்தந்த ஓட்டுச்சாவடிகள் நடக்கும் சிறப்பு முகாமிற்கு சென்று, நிலைய அதிகாரியிடம் சமர்ப்பிக்க வேண்டும். இவ்வாறு கூறப்பட்டுள்ளது.