கோடை விடுமுறையை யொட்டி, பள்ளிக் கல்வி இயக்கத்தின் மூலம் ஜவகர் சிறுவர் இல்லம் குழந்தைகளுக்காக பல்வகைக் கலைகளான பரதம், கிராமிய நடனம், வாய்ப்பாட்டு இசை, வயலின், வீனை, மிருதங்கம், ஓவியம், கைவினை, கிதார், கீபோர்டு, டிரம்ஸ், தேக்வாண்டோ மற்றும் விளையாட்டு (கேரம், செஸ், இறகுபந்து, டேபிள் டென்னிஸ்) ஆகியவற்றைக் கற்பிக்க சிறப்பு ஏற்பாடுகளைச் செய்துள்ளது. வரும் 2ம் தேதி முதல் 31ம் தேதி வரை நடக்கும் முகாமில், 6 வயது முதல் 16 வயதுள்ள அரசு மற்றும் தனியார் பள்ளி மாணவர்கள் கலந்துகொள்ளலாம்.

இதற்கான விண்ணப்பங்கள் ஏப்ரல் 27 முதல் புதுச்சேரி ஜவகர் சிறுவர் இல்லத்தில் வழங்கப்பட்டது. இதில் ஏராளமான பெற்றோர் தங்களது பிள்ளைகளை நேரில் அழைத்து வந்து விண்ணப்பங்களை பெற்று சென்றனர்.