போட்டியில் புதுச்சேரி கா வல்துறை, வழக்கறிஞர்கள், ஜிப்மர் கிரிக்கெட் அணிகள் உள்ளிட்ட 10 அணிகள் விளையாடி வருகின்றன. போட்டியில் முதல் பரிசு ரூ. 20,000, இரண்டாம் பரிசு ரூ.10,000 , மூன்றாம் பரிசு ரூ. 7000, நான்காம் பரிசு ரூ. 5000 கோப்பைகளுடன் வழங்கப்படுகிறது. மேலும் சிறந்த பேட்ஸ்மேன், பவுலர், ஆல் ரவுண்டர் ஆகியோருக்கு பரிசு கோப்பைகள் வழங்கப்பட உள்ளது.

நேற்று நடந்த மூன்றாவது கிரிக்கெட் போட்டியில் லாஸ்பேட் என்து சாஸ்திக் அணியும், மூலக்குளம் ஸ்பார்க்ஸ் அணியும் மோதியது. முதலில் விளையாடிய என்து சாஸ்திக் அணி 20 ஓவர்களில் 8 விக்கெட் இழப்புக்கு 233 ரன்கள் குவித்தது. அந்த அணியின் வசந்த் 72, தீபக் 47 ரன்கள் எடுத்தனர். விஜயகுமார் 3 விக்கெட் எடுத்தார்.

பின் விளையாடிய மூலக்குளம் ஸ்பார்க்ஸ் அணி 20 ஓவர்களில் 4 விக்கெட் இழப்பிற்கு 191 ரன்கள் எடுத்தது. என்து சாஸ்திக் அணி 42 ரன்கள் வித்தியாசத்தில் வெற்றி பெற்றது. அந்த அணியின் வசந்த் ஆட்டநாயகனாக தேர்வு செய்யப்பட்டார்.

4வது போட்டியில் கோரிமேடு லைன் கிங்ஸ் அணி, திலாஸ்பேட் என்.ஆர். கிங்ஸ் அணி மோதியது. முதலில் களமிறங்கிய என்.ஆர்.கிங்ஸ் அணி 20 ஓவர்களில் 7 விக்கெட் இழப்புக்கு 210 ரன்கள் குவித்தது. அந்த அணியின் குமரேசன் 48, கவி 38, குமார் 37 ரன்கள் எடுத்தனர். தட்சிணாமூர்த்தி மூன்று விக்கெட்களை எடுத்தார்.

பின் களமிறங்கிய கோரிமேடு லைன் கிங்ஸ் அணி 20 ஓவர்களில் 9 விக்கெட் இழப்புக்கு 155 ரன்கள் எடுத்தது. இளங்கோ, மணி தலா மூன்று விக்கெட்கள் எடுத்தனர். திலாஸ்பேட் என்.ஆர்.கிங்ஸ் அணி 55 ரன்கள் வித்தியாசத்தில் வெற்றி பெற்றது. அந்த அணியின் குமரேசன் ஆட்டநாயனாக அறிவிக்கப்பட்டார்.

ஏற்பாடுகளை டோர்னமெண்ட் கமிட்டி சேர்மன் சந்திரசேகர், நிர்வாகிகள் ராம் , முத்து, விக்கி, அஜய் ஆகியோர் செய்திருந்தனர்.கிரிக்கெட் போட்டிகளின் ஸ்கோர் விபரங்களை க்ரிக் ரோஸ் ஆப்பில் கண்டு கொள்ளலாம்.