கடந்த ஆண்டு ஏற்பட்ட வெள்ளப் பெருக்கால் மீண்டும் தடுப்பணை உடைப்பு ஏற்பட்டு, மண் அரிப்பு காரணமாக 100 மீட்டர் நீளத்திற்கு தண்ணீர் உள்ளே சென்று கரையில் அரிப்பு ஏற்பட்டது.

தற்போது புதுச்சேரி பொதுப்பணித்துறை சார்பில், 10 கோடியே 83 லட்ச ரூபாய் செலவில் வெள்ள தடுப்பு சுவர் மற்றும் அணைக்கட்டு சீரமைப்பு பணி நடைபெற்று வருகிறது.

முதற்கட்டமாக, அப்பகுதி மக்கள் கடலுார் சென்று வரும் வகையில், படுகை அணையின் மேற்கு பகுதியில் ஆற்றின் குறுக்கே, தற்காலிகமாக மண் பாதை அமைக்கும் பணி நடைபெற்று வருகிறது. இந்நிலையில், நேற்று காலை பாதை அமைக்கும் பணியில் ஈடுபட்டிருந்த பொக்லைன் வாகனம் திடீரென மண்ணில் சிக்கி கொண்டது. டிரைவர் அதனை வெளியே எடுக்க முயன்றார். இதில் பொக்லைன் ஆற்றில் கவிழும் நிலை ஏற்பட்டது. உடனே, அங்கு வெள்ளப் தடுப்பு சுவர் கட்டுமான பணியில் ஈடுபட்டிருந்த கிரேன் உதவியுடன், பொக்லைன் வாகனத்தை மீட்டனர். இதனால், அப்பகுதியில் பரபரப்பு ஏற்பட்டது.